خانه گنجینه اشعار امام زمان (عج)

ای اهل خانه مورد احسان ائدون منی

  • بروزرسانی: شنبه 16 فروردين 1399
  • شناسه: 1747
  • بازدید: 13
  • شاعر: مهدی فعال
  • چاپ:

ای اهل خانه مورد احسان ائدون منی

ای اهل خانه مورد احسان ائدون منی

میلادیه حضرت امام زمان عَجّلََ اللهُ تعالی فَرَجَهُ الشَّریف

ای اهل خانه مورد احسان ائدون منی
یوخ بیرکسیم بو شهریده مهمان ائدون منی
.
ای اهلبیت؛ بیتیمه احسان ائدون صله
عمریم نقدری واردی غزلخوان ائدون منی
.
نوکر حالی ارادۀ اربابه بسته دی
یوخسوللوغوم قوتولسا سلیمان ائدون منی
.
قطبین ذوالفقاره یازون قانیمی حلال
زلفین یار الینده پریشان ائدون منی
.
شوق وصالیلن منی صحرالره سالون
مجنون ائدون اسیر بیابان ائدون منی
.
من کافرم گلون منه بیرچاره ایلیون
لعل لب نگاره مسلمان ائدون منی
.
قلاده می او خیمۀ سلطانه باغلیون
دربار پادشاهه نگهبان ائدون منی
.
فیض حضور ایستمورم من ظهورینه
ائتسه قیام قدینه قربان ائدون منی
.
صبح ظهوره جن گوزیمی آغلادون فقط
حیران ائدون منی ئورگی قان ائدون منی
.
.
جاری ائدون بو لبلره یا صاحب الزمان
باخ مرحمتله نوکره یا صاحب الزمان
.
.
کویونده گور نقدری دل بیقرار وار
نرجس گلیندن ئوتری نقدری خمار وار
.
نوکرلرون سنون الیوه گوز تیکوب فقط
زهرا بالاسی سندن او قدر انتظار وار
.
سن یول یری ئورکلری بیز فرش ایداخ یولا
هیچ بیر دیمه ایاقیمین آلتدا غبار وار
.
صیاد هاردا سن کیمی واردور که صید ئوزی
قؤزور الین دیور بو طرفده شکار وار
.
نفس آزدیریبدی بیزلری یاری تاپانموروخ
ورنه نشانه یاریمیزین بیشمار وار
.
ویران گر اولمیوب بوجهان سندن ئوتری دور
شهره خلل یتیشمز اگر شهریار وار
.
گل عدل مرتضانی گتور ثابت ایله که
جاری دی مرتضا نقدر روزگار وار
.
سن حیدر اوغلوسان سنه یاور نه احتیاج
اوچ یوز نفر گلور که دیسون خلق؛ یار وار
.
هیچ کیمسه سندن ئوزگه علی زمان دگول
حیدر اودور که الده اونون ذوالفقار وار
.
.
حیدر وئرردی فرصت اگر؛ اول قرار یوخ
سن حمله ایله سن داخی راه فرار یوخ
.
.
ای خاک آستانی ویرن درس کیمیا
ای دردی درد عالم امکانیچون دوا
.
ای خال هاشمی سی اولان قبله کعبیه
ای قاشلاری صفا گؤزی زمزم یوزی منا
.
ای محو اولان سجودینه ارکان نه فلک
ای ایلین قیامینه عیسالر اقتدا
.
پروانه عشقه نایل اولوب لطف شمعیله
باعث کرامتوندی اگر اولموشوخ گدا
.
ای گل؛ تمام عالمه فیضون یتور؛ ولی
مردم بو عطره قانع اولوب؛گل قالوب رها
.
یئر گوی سنی بو نیمۀ شعباندا سسلیور
سن زائر امارت قدسی کربلا
.
ای داغ کربلانی سیلن هاردا قالموسان
تز گل آقا، گلن یولوا جانیمیز فدا
.
گل زجریله سنانی یتور یوز جزاسینه
ایله رقیه روضه سینون حقینی ادا
.
عمرینده زینب عمه وه هیچ بایرام اولمادی
بایرامدا اولسا من بیلورم آغلوسان آقا
.
.
اگلشمه دور ایاقه امان ویرمه دشمنه
عمه نده شیعه لرده؛هامی گوز تیکوب سنه
.
.
حق استجابته قویار آخر دعالری
یاری ترحمه سالار عاشق نوالری
.
هردن دعا ایله ئوزیوه ئوز ظهوریوه
غربتده ای دعا ایلین آشنا لری
.
بیر قطره گوزیاشون یری وارسیل اولوب آخا
تا غرق ایده تمام سنه بیوفا لری
.
مین اوچ یوز ایلدی شیعه گودور انتقام آلا
بیهوده قورمیوبدیلا بزم عزالری
.
داغلی ئورک سنون ئورگوندور که صبح و شام
یاد ایلیور او کرببلاده فدالری
.
اگلشمه دور ایاقه عبا سال او قامته
سیل ذهن لیلی دن قانا باتمیش عبالری
.
گل حجله گاه کرببلانی مزین ایت
قلب سریه دن الیوه یاخ حنالری
.
مرهم گتور ایاقلارا؛ناز ایله؛دوت دیله
قیرخ گون ایاق یالین چؤله دوشموش بالالری
.
گل بیر دؤیونجا روضه دئنن زینب عمه وه
یاد ایله اللی دورد ایل اسیر بلالری
.
گل خاتمه ویر آل عبانون فراقینه
ویراصغری دوباره ربابین قوجاقینه