خانه گنجینه اشعار امام زمان (عج)

بیر دلبریم وار عارضی رخشنده آفتاب

  • بروزرسانی: یکشنبه 17 فروردين 1399
  • شناسه: 1762
  • بازدید: 10
  • شاعر: سعدی زمان
  • منبع: آثارالحسینی (2)
  • چاپ:

بیر دلبریم وار عارضی رخشنده آفتاب

بیر دلبریم وار عارضی رخشنده آفتاب

میلادیه حضرت امام زمان عَجّلََ اللهُ تعالی فَرَجَهُ الشَّریف

بیر دلبریم وار عارضی رخشنده آفتاب
یوخ یوخ ،اونون گُل عارضینه بنده آفتاب
تطبیق ایلسم یوزونی آفتابیله،
اولماز نظیر اونا اولی شرمنده آفتاب
بیر کهکشاندی صورتی خورشید آفرین
گورمز اونون نظیرینی تابنده آفتاب

 

کیمدور بو حُسن صاحبی مرآت سرمدی
ناموس دهر قائم آل محمدی

 

اوخشار نگاریمین یوزینه آفتاب ؟ یوخ
وجه اللهه قیاس اولور ماهتاب ؟ یوخ
نور امامدن گون ایدر نورین اقتباس
واردور بو سوزده جای سوال و جواب ؟ یوخ
گوندن هامی کرات جهان مستفیض اولار
بو استفاضیه اولی مانع سحاب ؟ یوخ

 

کیمدور بو حُسن صاحبی مرآت سرمدی
ناموس دهر قائم آل محمدی

 

وَالشَّمس یعنی آند اولا شمسه دیوب خدا
وَالشَّمسدن اونون یوزیدور اصل مدّعا
واللیل آند اولا گیجیه یعنی زلفینه
محسود نافۀ خُتن و عنبر و ختا
هیهات مشک چین و عبیر تَرِ خُتن
اول زلف مشکسایه جهاندا نظیر اولا

 

کیمدور بو حُسن صاحبی مرآت سرمدی
ناموس دهر قائم آل محمدی

 

یوز سبزه گندمی نجه یوز ؟ شرحه یوخ مجال
آیینۀ جمال خداوند ذوالجلال
گوزلر قرا گشاده جبین قاشلاری هلال
وار ساق یوزینده نقطه کیمی بیر سیاه خال
به به نه خال جاذبۀ اهل عشق و حال
اولماز شعاع کوکب درّی اونا مثال
.
کیمدور بو حُسن صاحبی مرآت سرمدی
ناموس دهر قائم آل محمدی

 

فوق مدیحه دور نمکین ماه طلعتی
مکّی نقابدور، مدنی پرده صورتی
چاتماز بو حُسنه یوسف مصری وجاهتی
حیدر باخیشلی گوزلری شیرانه صولتی
آئینه دور پیمبره کلیّه خلقتی
وار صورتینده احمد مرسل ملاحتی

 

کیمدور بو حسن صاحبی مرآت سرمدی
ناموس دهر قائم آل محمدی

 

جنت گوزلدی اهلی گوزل یوخ بونا کلام
غلمان گوزلدی، حور گوزل نهرلر مدام
واضحدی حسن صاحبی دور انبیا تمام
جنّتده جمع حُسنی قیلوب حیِّ لا ینام
بونلان بیله دیردی پیمبر عَلَی الدَّوام
طاووس خلد عدنیدی مهدی شه انام

 

کیمدور بو حُسن صاحبی مرآت سرمدی
ناموس دهر قائم آل محمدی

 

بو حُسن و بو جمال «حسینی» بو احتشام
بو شأن بو جلال و بو عزّتده بیر امام
باخدوقجا ذوالفقاره توکر گوز یاشی مدام
آغلا ر دیر کی جدّیمی ئولدوردولر لئام
تا آلماسام بو تیغیله اعدادن انتقام
قان آغلارام بابا دیرم هر صباح و شام

 

کیمدور بو حُسن صاحبی مرآت سرمدی
ناموس دهر قائم آل محمدی