خانه گنجینه اشعار محرم الحرام

دردیمه درمان آلام گلدیم عزایه یاحسین

  • بروزرسانی: شنبه 25 مرداد 1399
  • شناسه: 2004
  • بازدید: 21
  • شاعر: اصغر فرشچی
  • چاپ:

دردیمه درمان آلام گلدیم عزایه یاحسین

دردیمه درمان آلام گلدیم عزایه یاحسین

دردیمه درمان آلام گلدیم عزایه یاحسین
دوزموشم دنیا غمینده هر بلایه یاحسین

قوی قالا دنیا غمی هر حالیده شُکر ایلرم
لیک بیر دردیم دوا اولمور دعایه یاحسین

 

روسیاه و پُر گناهم قد خمیده مو سفید
شافع اول توبَم قبول اولسون خدایه یاحسین

 

بیر نظر قیل توبه کاره حُرّ تک نادِم گلوب
آند ویرّم زینبه اوغلون رضایه یا حسین

 

خضر تک بیر جرعۀ آب حیاته تشنیَم
انتظارم تا چاتام منده سقایه یا حسین

 

هدیۀ قابل یوخومدی جز بو گوزده گوز یاشیم
عشقیمی ویرّم نشان گللّم نوایه یا حسین

 

من مریض کوی عشقم دردیمون درمانیسان
سجدۀ شکر ایلرم خاک شِفایه یاحسین

 

منصب شاهانه سی وار درگهونده هر گدا
من سگ دربارووام باخ التجایه یا حسین

 

کعبۀ آمال دور هر عاشقه کرب و بلا
کیمیا دور خاک پاکون هر گدایه یا حسین

 

خالقون خاک مزاروندا شفانی خلق ایدوب
ویرمیوب بو رجحتی هیچ اولیایه یا حسین

 

گونده یتمیش مین ملک اول قبریوی ایلر طواف
خوش مطاف اولموش مزارون انییایه یاحسین

 

سفرۀ رحمت آچوبسان دعوت اوسته زایره
زایروندی بهره مند لطف و عطایه یا حسین

 

جان زهرا و علی اکبرون احسان ایله
«عدلیه» گلسون گینه کرب و بلایه یا حسین