خانه گنجینه اشعار امام زمان (عج)

شمس وحدت ایلدی شرق هدایتدن ظهور

  • بروزرسانی: دوشنبه 18 فروردين 1399
  • شناسه: 1783
  • بازدید: 35
  • شاعر: عابد تبریزی
  • چاپ:

شمس وحدت ایلدی شرق هدایتدن ظهور

شمس وحدت ایلدی شرق هدایتدن ظهور

میلادیه حضرت امام زمان عَجّلََ اللهُ تعالی فَرَجَهُ الشَّریف

شمس وحدت ایلدی شرق هدایتدن ظهور
عالمی دوتدی فروغ لمعه ی الله نور
اولدی ظلمتخانه ی دنیای امکان رشک طور
چهره ی آفاقیده گورسندی آثار سرور
ویردی جاءَالحق نویدی نفخه ی باد دبور

 

عالمی دولدوردی نور حجّت ربُّ الفلق
اولدی امواج حجابات ظُلَم یکباره شق
تا قدم قویدی جهانه افتخار ماخَلَق
جلوه ی خورشید تک دنیانی دوتدی نور حق
جلوه سیندن چشم باطل خیره اولدی بلکه نور

 

حُسن حق آفاقیده ایتدی تجلّی بی نقاب
شرمیدن یوز انزوای غربه قویدی آفتاب
نقش پای عرش سیری اولدی تا زیب تراب
رشکیدن توکدی عذاره اشک خون نیلی قباب
موج انوار شفق آفاقیده ایتدی ظهور

 

شقّه آچدی مُلک دینه مهدویّت پرچمی
شوکت صیت هُوَ الحقّیله دوتدی عالمی
خاتِم اثنی عشر انگشت وحدت خاتمی
ایلدی روشن جمالیندن سرای اعظمی
ویردی عالمده صلای رحمت ربّ غفور

 

گَلدی ایجاده جهانه هادی وجه سبیل
حجّت ربّ جلیل و مفخر آل خلیل
مصطفای عالمِینه کونده خیر سلیل
خلدیده شوق لبیندن سلسبیل اولدی سبیل
رشک آپاردی فیض خاک کویینه آب طهور

 

ای شه دنیا و دین یا حجّت بن العسکری
لایق فوق همایونون کلاه سروری
تابع حکمون مدار گنبد نیلوفری
یمن ذاتوندن سکون هفت گوی اغبری
فیض جودوندن نظام دور ایّام و شهور

 

وعده ی دیداری تصویب ایلمور امر قضا
عمرلرده یوخدی آگهسن اوزون شاها وفا
گوز فروغ عارضوندن ایتمه سه کسب ضیا
سختدور بِالله تاپا گر دور هستی انقضا
یتمه میش وصله اولا احبابه منزل قعر گور

 

هارداسان یا مُخذِلَ الاَعدا، مُعِزَّ الاَولیا
هارداسان ای ناشر اعلام تقوی و هدی
هارداسان ای رابط شَملِ الصَّلاحِ والرِّضا
هارداسان ای طالب خون شهید کربلا
هارداسان یاب الشُّهُب، یابن السُّرُج، یابن البُدور

 

مهر رخسارون ویرور هانسی دیاره آب و تاب
هاردا سرگردان گزیرسن چول لری بی صبر و تاب
هاردا ظلماتی پوزور نور رخون چون آفتاب
هاردا گوزدن عارضه قانیاش توکورسن چون سحاب
هاردا یاجدّا دیورسن بی قرار و ناصبور

 

چوخ چتیندور گورمیه گوز عکس رویوندن اثر
تاپمیه آفاق و انفسده جمالوندن خبر
بُلمیه دل هانسی بیر ماوادن ایلورسن گذر
ذی طوی یا ارض رضوی ده اولور شامون سحر
یا دیار نینوادن ایلسن شاها عبور

 

گرچه مشروحاً دگول کیفیت حالون عیان
لیک اجمالاً بُلر دل آغلوسان معناده قان
هر زمان جدّیوین یادیله یا صاحب زمان
حق گورن گوزدن عذاره ایلوسن اشکون روان
تا اولور برپا دل ذرّاتیده شور نشور

 

لایزالی دور غمون ای عکس حسن لم یزل
یوخ بو واضح سوزده هرگز بحث و تفسیره محل
اشک خونین توکماقون بو قولی ایلر مستدل
آغلارام اول قدر که اشکیم اولار قانه بدل
دلدن ایتدوقجا خیال روز عاشورا خطور

 

نکته نکته یاد ایدورسن کربلا آلامینی
سلب ایدر هر نکته قلبون طاقت و آرامینی
یاد ایدنده هر بلا آغازینین انجامینی
دولدورار خونابه ی اندوه و غم گوز جامینی
دامنون دریا ایدر امواج سیل رشک شور

 


لیک بو غمدن فزون بیر غم ایدر قلبون ملول
اعتذاریم وار بیانیندن اَیا سبط رسول
اونداکی فردوس ده سسلندی واویلا بتول
یخدیلار آتدان حسینی ظلمیله قوم جهول
حشر اعظم شورشی آفاقیده ایتدی ظهور

 

توپراقا دوشدی جهانه علّت نظم و بقا
ظلم و اندوهه غرق اولدی تماماً ماسوا
گوهر کنز ولایه اولدی مخزن کربلا
ذوالجناحی خیمه گاهه یوز قویوب دلده نوا
اَلظَّلیمه ناله سیله کائناته سالدی شور

 

نطقیدن «عابد» دوشر هر بلبل شیرین نفس
آشیانین جور صیّاد ایتسه زندان قفس
حقلیسن فریادیوه بُلسن سکوتی دادرس
لیک گاهی سنده اولسا نظم اشعاره هوس
مدح آل مصطفانی طبعیوه ایله ضرور