خانه گنجینه اشعار امام زمان (عج)

عرش خدادن یئره نغمۀ ظفر گلوب

  • بروزرسانی: جمعه 15 فروردين 1399
  • شناسه: 1735
  • بازدید: 17
  • شاعر: محمدعلی مصیبی تبریزی
  • چاپ:

عرش خدادن یئره نغمۀ ظفر گلوب

عرش خدادن یئره نغمۀ ظفر گلوب

میلادیه حضرت امام زمان عَجّلََ اللهُ تعالی فَرَجَهُ الشَّریف

عرش خدادن یئره نغمۀ ظفر گلوب
اثنا عشر شیعیه آیری تاج سر گلوب
نخل امیده بوگون پربها ثمر گلوب
غوغا دی نُه طاقیده نرجسه پسر گلوب

 

ال چالون-گول سپون-عرش وفرش آلوبدی دم
مهدیِ – فاطمه – قویدی عالمه قدم

 

عشقین گلستانینه گول گلوب گوله گوله
عطری دولوب گولشنه مرحبا بئله گوله
حاشا بیرده بیله گول گول ستانلارا گله
عطرین آلان بوگولون دوشمزآیری نیسگیله

 

گول نه گول- گول نه گول- گلشنی ائدوب ارم
مهدیِ – فاطمه – قویدی عالمه قدم

 

بیر رحمت سرمدی جلوه گاه ایزدی
قدقامت پرچم نهضت محمّدی
قویدی قدم عالمه اُمّتین سرآمدی
تا آچدی شهلا گوزون عزّتیله سسله دی

 

سسله دی – من همان – نور چشم احمدم
مهدیِ – فاطمه – قویدی عالمه قدم

 

یاسینه مفخر بودی، جلوه گاه طا و ها
مشعردی هم مروه دی هم مِنادی هم صفا
بو حیدرین اوغلودی حاجتی ائدر روا
اخلاصیلن سسله سن دردی ایلیَر دوا

 

شیعۀ – حیدره – گلدی یار و مُلتزم
مهدیِ – فاطمه – قویدی عالمه قدم

 

بیر اود دوشوب جانیمه شدّ تینده یانمیشام
دلداریمین آیریلیق محنتینده یانمیشام
بیر مه لقا یوسفین فرقتینده یانمیشام
حیدرباخیش گوزلرین حسرتینده یانمیشام

 

بیرده یاز- عشقیلن – لوحین اوسته ای قلم
مهدیِ – فاطمه – قویدی عالمه قدم