خانه گنجینه اشعار محرم الحرام

کیمین وار دلده احساسی محرّم گلدی بسم الله

  • بروزرسانی: شنبه 25 مرداد 1399
  • شناسه: 2002
  • بازدید: 12
  • شاعر: محمد هدایتی تبریزی
  • چاپ:

کیمین وار دلده احساسی محرّم گلدی بسم الله

کیمین وار دلده احساسی محرّم گلدی بسم الله

کیمین وار دلده احساسی محرّم گلدی بسم الله
حسینین باشلانیب یاسی محرّم گلدی بسم الله

پوزولموش عالمین حالی
ئورکلرده جوشور قانلار
سیه روز اولسون اشراری
سیه پوش اولموش انسانلار
وورولموش قاره پرچم لر
گئیب قاره خیابانلار
جوانلار سسلر عبّاسی
محرّم گلدی بسم الله



وورولموش هریانا پرچم
گجه دایردی هیئت لر
حسینین آستانینده
گلیر جوشه محبّت لر
خدایه شکر اولا آرتیر
سعادت لر صداقت لر
حسینین چوخدی شیداسی
محرّم گلدی بسم الله



عجب دور بزم ماتمده
لطافت وار طراوت وار
سعادت بزمی دور هیئت
کمالاته وصیّت وار
هامی عارفدی ، عاشقدی
بورا حقدان عنایت وار
بونون کوثردی صهباسی
محرّم گلدی بسم الله



ئورکده وار کیمین دردی
دیسین دردین ابوالفضله
هامی تطبیق ایده تک تک
عملکردین ابوالفضله
یامان گونده نیازی وار_
دی هر فردین ابوالفضله
چاغیرسان اشجع ناسی
محرّم گلدی بسم الله



بو آیدا کربلا دشتی
بویاندی قرمزی قانه
حسینین زورقی دوشدی
بلا بحرینده طوفانه
ملک سیرت گل انسانلار
ویریب باش دوشدی میدانه
ئورکده حق تمنّاسی
محرّم گلدی بسم الله



بو آیدا آل طاهانین
گلستانی خزان اولدی
جوانلار بذل ایدیب جانین
آنالار گل کیمی سولدی
آخیب رخساره گوز یاشلار
ئورکلر قانیله دولدی
اولوندی عشق سوداسی
محرّم گلدی بسم الله



بو آیدا تیغ منقذ دن
بولوندی اکبرین باشی
گتیردی خیمیه نعشین
آتاسی قوم و قارداشی
سارالمش صورته آخدی
آناسی لیلی گوزیاشی
فغان ایلردی لیلاسی
محرّم گلدی بسم الله



بو آیدا قاسمی سالدی
حصاره فرقهٔ عدوان
باشندان بیر یارا دگدی
ایدیب ئوز قانینه غلطان
وجودین پایمال ایتدی
جفائیله سم اسبان
اوزاندی جسم زیباسی
محرّم گلدی بسم الله



ابوالفضل وفادارین
بو آیدا دوشدی قوللاری
دَییب اوخ سجده گاهیندن
قزاردی قانلی رخساری
دیسم عیب ایلمه باشدا
عمودون قالدی آثاری
محاق قاندا سیماسی
محرّم گلدی بسم الله



آتانین اللری اوسته
بو آیدا اوخلانیب اصغر
بوغازین اوچ پر اوخ بیچدی
قانیلا ایسلانیب لب لر
قولاقندن قولاقینه
بیچلدیی تیریله حنجر
محال اولدی مداواسی
محرّم گلدی بسم الله



حسینی سالدیلار تنگه
بو آیدا قلبی قان اولدی
بوغازندان سنان دگدی
ئورک تیره نشان اولدی
خیامی قهریله یاندی
باشی شامه روان اولدی
اوجالدی نی ده آواسی
محرّم گلدی بسم الله