خانه گنجینه اشعار امام زمان (عج)

گوزل بالام گول بالام

  • بروزرسانی: یکشنبه 17 فروردين 1399
  • شناسه: 1759
  • بازدید: 12
  • شاعر: امانی اردبیلی
  • چاپ:

گوزل بالام گول بالام

گوزل بالام گول بالام

سرود میلادیه / زبانحال لالایی مادر

گوزل بالام گول بالام
منله دانش گول بالام
دمساز ائدر ئوز گولون
گلشنده بلبل بالام

 

عالم حیرانون اوغول
اوخدور مژگانون اوغول
شیرین شیرین باخ منه
آنون قربانون اوغول

 

گوزلرون یوم آی بالا
آی یاتوب یات آی بالا
ترپدیب گهواره نی
سسلرم لایلای بالا

 

محبتدن ناز اولار
نغمه دن آواز اولار
من سنه آی دئمرم
آیون عمری آز اولار

 

ماه تابانیم اوغول
روحیم روانیم اوغول
ایلرم قربان سنه
گونده مین یول جان اوغول

 

شیریندی شیرین سوزون
یات سینمده یوم گوزون
باخ گور نئجه عاشقم
عاشقی دیندیر ئوزون